Vossajazzutstillinga 2022

Sveinung Iversen

8. april - 7. mai 2022

Stor suksess for festivalutstillinga til Sveinung Iversen. Nær 600 personar har vore innom utstillinga dei 3 fyrste dagane.

Utstillinga er ope måndag 10. og tysdag 11. april frå kl 12.00 - 15.00. Sjå elles opningstider lengre nede på sida.

Sveinung-Iversen-1-1920x1080-panorama

Den velkjende vossakunstnaren fekk utdanninga si ved Bergen Kunsthåndverksskole på 70-talet, før han flytta heim att og etablerte grafikkverkstad på Voss. Her har han utforska ulike uttrykk og teknikkar, ofte innanfor papir med akvarell, teikning, djuptrykk og ulike blandingsteknikkar. Sidan han debuterte på Haustutstillinga i 1976 har han hatt ei rekke separatutstillingar og delteke på andre utstillingar i inn- og utland, og bileta hans er kjøpt inn av mange av dei viktigaste musea i landet.

Å finna nye måtar å uttrykkja seg på, er drivkrafta hans i det å skapa bilete. Han prøver heile tida å overraska seg sjølv, men det vert meir og meir vanskeleg ettersom åra går. «Eg er jo ikkje så lettlurt lenger», som han seier.

Sveinung er også mannen bak sjølvaste Vossa Jazz-logoen, som vart brukt fyrste gong i 1977!

Festivalplakaten 2022, som er teke frå eit bilete laga til festivalutstillinga, skildrar kunstaren slik: «Springande frå noko, eller til noko, mot nord eller sør, aust eller vest i ein rastlaus kamp for tilværet.»

Hilde Magnusson, styreleiar i Vossa Jazz, opnar utstillinga.

OPNINGSTIDER UNDER VOSSAJAZZ:
LAURDAG 9.APRIL 11 - 15 
SUNDAG 10.APRIL 12 - 15
MÅNDAG 11. APRIL 12 - 15
TYSDAG 12.APRIL 12 - 15

PÅSKEHELGA: STENGD

OPNINGSTIDER I PERIODEN 21.APRIL - 7. MAI:
TORSDAGAR 15 - 18
FREDAGAR 13 - 16
LAURDAGAR 11 - 14
SUNDAGAR 14 - 16